Павлодар облысының дін істері
басқармасы

poslankz

 

«Діни іс-шараларды өткізуге арналған үй-жайларды ғибадат
үйлерінен (ғимараттарынан) тыс жерлерде орналастыруға
келісу туралы шешім беру» мемлекеттік көрсетілетін қызмет
регламенті


1. Жалпы ережелер

1. «Діни іс-шараларды өткізуге арналған үй-жайларды ғибадат үйлерінен (ғимараттарынан) тыс жерлерде орналастыруға келісу туралы шешім беру» мемлекеттік көрсетілетін қызметті (бұдан әрі – мемлекеттік көрсетілетін қызмет) «Павлодар облысының дін істері басқармасы» мемлекеттік мекемесі (бұдан әрі – көрсетілетін қызметті беруші) көрсетеді.
2. Көрсетілетін мемлекеттік қызмет нысаны: қағаз түрінде.
3. Мемлекеттік көрсетілетін қызмет нәтижесі – діни іс-шараларды өткізуге арналған үй-жайларды ғибадат үйлерінен (ғимараттарынан) тыс жерлерде орналастыруға келісу туралы келісу-хат немесе Қазақстан Республикасының Мәдениет және спорт Министрінің 2015 жылғы 23 сәуірдегі №147 Бұйрығымен бекітілген «Діни іс-шараларды өткізуге арналған үй-жайларды ғибадат үйлерінен (ғимараттарынан) тыс жерлерде орналастыруға келісу туралы шешім беру» мемлекеттік көрсетілетін қызмет Стандартының (бұдан әрі – Стандарт) 10-тармағында көзделген жағдайда және негіздер бойынша мемлекеттік қызметті көрсетуден бас тарту туралы дәлелді жауап
Мемлекеттік қызметті көрсету нәтижесін ұсыну нысаны – қағаз түрінде.


2. Мемлекеттік қызмет көрсету үдерісінде көрсетілетін қызметті берушінің құрылымдық бөлімшелерінің (қызметкерлердің) іс-қимыл тәртібін сипаттау

4. Мемлекеттік көрсетілетін қызмет жөніндегі рәсімді (іс-қимылды) бастау үшін негіздеме Стандарттың 1 – қосымшасына сәйкес нысан бойынша көрсетілетін қызметті алушының өтініші болып табылады.
5. Көрсетілетін қызметті берушінің жауапты маманы Стандарттың 9-тармағында көзделген құжаттарды қабылдайды, тіркейді, оларды басшыға қарау үшін жібереді (30 минуттан аспайды).
Көрсетілетін қызметті берушінің басшысы құжаттарды қарайды және орындау үшін жауапты қызметкерге жолдайды (1 күнтізбелік күн ішінде).
Көрсетілетін қызмет берушінің жауапты орындаушысы құжаттарды зерделейді және діни іс-шараларды өткізуге арналған үй-жайларды ғибадат үйлерінен (ғимараттарынан) тыс жерлерде орналастыруға келісу туралы облыс әкімдігі қаулысының жобасын немесе қағаз түрінде көрсетілетін қызметті ұсынудан бас тарту туралы дәлелді жауап дайындайды (20 күнтізбелік күн ішінде).
Қызмет берушінің басшысы діни іс-шараларды өткізуге арналған үй-жайларды ғибадат үйлерінен (ғимараттарынан) тыс жерлерде орналастыруға келісу туралы келісу-хатын немесе дәлелді бас тарту туралы жауапты қарайды және қол қояды (7 күнтізбелік күн ішінде).
Көрсетілетін қызмет берушінің жауапты маманы мемлекеттік көрсетілетін қызметті алушыға жеке өзi келгенде (не сенімхат бойынша оның өкіліне) діни іс-шараларды өткізуге арналған үй-жайларды ғибадат үйлерінен (ғимараттарынан) тыс жерлерде орналастыруға келісу туралы келісу-хатын береді немесе дәлелді бас тарту туралы жауапты немесе поштамен көрсетілетін қызметті алушының мекен-жайына жолдайды (1 күнтізбелік күн ішінде).
6. Рәсімнің нәтижесі – діни іс-шараларды өткізуге арналған үй-жайларды ғибадат үйлерінен (ғимараттарынан) тыс жерлерде орналастыруға келісу туралы келісу-хатын беру немесе мемлекеттік қызмет көрсетуден дәлелді бас тарту туралы жауап.


3. Мемлекеттік қызмет көрсету үдерісінде көрсетілетін қызметті
берушінің құрылымдық бөлімшелерінің (қызметкерлерінің) өзара іс-қимыл тәртібін сипаттау

7. Мемлекеттік қызмет көрсету үдерісіне қатысатын көрсетілетін қызметті берушінің құрылымдық бөлімшелерінің (қызметкерлерінің) тізімі:
көрсетілетін қызмет берушінің жауапты орындаушысы;
көрсетілетін қызмет берушінің басшысы.
8. Әрбір рәсімнің (іс-қимылдың) ұзақтығын көрсетумен рәсімдер (іс-қимылдар) реттілігінің сипаттамасы осы регламенттің қосымшасындағы мемлекеттік көрсетілетін қызмет көрсетудің бизнесс-үрдістерінің аңықтамасында көрсетілген.


4. «Азаматтарға арналған үкімет» мемлекеттік корпорациясымен және (немесе) өзге де көрсетілетін қызметті берушілермен өзара іс-қимыл жасасу тәртібін, сондай-ақ мемлекеттік қызмет көрсету үдерісінде ақпараттық жүйелерді қолдану тәртібін сипаттау

«Азаматтарға арналған үкімет» мемлекеттік корпорациясымен және (немесе) өзге де көрсетілетін қызметті берушілермен өзара іс-қимыл жасау, сондай-ақ мемлекеттік қызмет көрсету үдерісінде ақпараттық жүйелерді қолдану қарастырылмаған.

20astana

dumk